ZUZENDARIAK

Orain dela 70 urte, Gerra Zibilaren garaian izandako gertakari latz haiek utzi zizkiguten ondorioak jasotzen ditu “Isilaldi luze baten ondoren” filmak. Inolako artxiboko irudirik gabe, bizirik ateratakoei, lekukoei eta desagertutakoen familiei jarraiki, filmak ibilbide bat egiten du zorigaiztoko iragan haren aztarna jada lausoetan barrena: Murtxante eta Bastidako fusilatuen bilaketa arkeologikoa; gerrako bi presoren bisita kartzelan egon ziren lekura edo Otxandioko bonbardaketa ikusi zuen lekuko baten testigantza. Filmak narrazio bat egiten du oroitzapen horietan guztietan barrena, Euskadi, Nafarroa eta Burgosko hainbat herritatik pasatuz.

2004ko ekainean, indusketa egin zuten Gipuzkoako Elgetako Ansuategi baserrian, ohizko esku-hartze arkeologikoen aldean oso desberdina izan zena. Lanak zirela medio, 1936-1939ko gerra zibileko frankistek fusilatutako sei borrokalariren hondakinak atera zituzten hobietatik. Gorpuak hobi komunetan sartuta zeuden, eta Víctor Garairen testigantzari esker aurkitu zituzten; hain zuzen, haren aita ere borrokalariekin batera fusilatu zuten, nahiz eta bere gorpua Elgetako hilerrira eramana izan zitekeen.